Agkiddaw iti tulong itan wenno ireport ti krimen gapu iti gura (Ilocano)
Agkiddaw iti Tulong Ita
Basaen dagiti instruksion iti baba tapno maawatam no kasano ti panagkiddaw a dagus iti tulong ken no kasano nga ireport ti krimen gapu iti gura a nasaksiam wenno napadasam.
Tapno makapagkiddaw iti tulong iti maysa nga emerhensia
No sika wenno ti sabali nga am-ammom ket agpegpeggad, i-dial ti 9-1-1 wenno tawagam ti departamento iti pulisya iti lokalyo.
Tapno mangireport iti krimen gapu iti gura
No mamatika a nabiktimaka iti krimen gapu iti gura wenno patiem a nakasaksika iti krimen gapu iti gura:
Addang 1: Ireportmo ti krimen iti lokal a pulisya iti kabiitan a panawen.
Addang 2: Surnadan a dagus daytoy a report iti panagtawag iti Linia ti Tip (Tip Line) ti Pederal nga Ahensia ti Imbestigasion (Federal Bureau of Investigation, FBI).
Tawagan ti Linia ti Tip (Tip Line) ti FBI iti 1-800-225-5324
Adda dagiti empleado ti FBI a tagaipatarus iti telepono tapno makasaritadaka. No tumawagka addanto ti maysa minuto a nakarekord a mensahe iti Ingles ken Espaniol. Agtalinaedka iti linia agingga a mangngegmo ti live nga operator. Ibagam ti lengguahe a pagsasaom, ket ikonektanakanto ti operator iti kualipikado a tagaipatarus a tumulong kenka iti panangireport iti ammom wenno napadasam a krimen gapu iti gura.
Ania ti krimen gapu iti gura?
|
Maysa a krimen |
+ |
Motibasion iti Panangaramid iti Krimen a Nakabasar iti Panangidumduma |
= |
Krimen Gapu iti Gura |
Gura: Ti termino a “gura” ket mabalin a makaallilaw. No mausar iti linteg iti krimen gapu iti gura, ti sao a “gura” ket saan a kaipapananna ti pungtot, unget, wenno kadawyan a saan a panagkayat. Iti daytoy a konteksto ti kaipapanan ti “gura” ket ti panangidumduma kadagiti tattao wenno grupo nga addaan kadagiti partikular a galad a depinaren ti linteg.
Krimen:Ti “krimen” iti krimen gapu iti gura ket masansan a naranggas a krimen, kas iti panagdarup, panagpatay, panaguram, bandalismo, wenno panagpangta nga agaramid kadagiti kasta a krimen. Mabalin a saklawenna met ti pannakisabuat wenno panagkiddaw iti sabali a tao a mangaramid kadagiti kasta a krimen, uray no saan a naisayangkat ti krimen.
Insidente ti Panangidumduma wenno Panaggura: Dagiti aramid a panangidumduma a saan a krimen ken dagiti awan karamanna a kinaranggas, panagpangta, wenno panagdadael iti sanikua.
Dagiti linteg ti pederal iti krimen gapu iti gura ket saklawenna dagiti krimen a naaramid a maibasar iti:
| Puli | Disabilidad |
| Etnisidad/Nasion a Nagtaudan | Kolor |
| Sekswal nga Orientasion | Sekso (Gender) |
| Pakabigbigan a Sekso (Gender) | Relihion |
Agduduma ti paglintegan ti estado mainaig iti krimen gapu iti gura. Ti kaadduan kadagiti krimen a naaramid ket maigapu iti puli, kolor ken relihion. Adu pay ti karaman iti kanayonan a kategoria.
Umuna a Panagbalbaliw wenno First Amendment ken Nawaya a Panagsao:
Iti masakupan ti Umuna a Panagbalbaliw ti Konstitusion ti U.S., saan a mabalin nga idarum dagiti tattao gapu laeng iti pammatida, uray nu makapainsulto ti pammatida. Nupay kasta, saan a protektaran ti Umuna a Panagbalbaliw wenno First Amendment dagiti tattao a mangaramid kadagiti krimen gapu iti naprotektaran a pammati.